هل المصريين الحاليين دخلاء ولا يعود أصلهم للمصريين القدماء ؟ تعالي أقولك.. هل المصريين دلوقتي عرب؟ هل المسلمين دخلاء على الشعب المصري؟ هل المصريين المسيحيين اصحاب الارض؟ هل المصريين كانوا افارقة؟ بص، عشان اجبلك الناهية في كل الاسئلة دي، هجبهالك علميا ..

فيه دراسات كتير اتعملت على الچين الوراثي المصري من بدايات اكتشاف الجينات الوراثية لحد السنة اللي فاتت مثلا، وواحدة من الاسألة اللي حيرت علماء الاثار هو هل المصريين المعاصرين احفاد المصريين القدماء ولا لأ، وهنا كانت اهم واشمل دراسة فيهم كلهم .. دراسة او مشروع الجينولوجيا التابع

لشركات ناشيونال جيوجرافيك العلمية، تحت رعاية دكتور سبينسر ويلز، قام فيها الفريق بفحص مليون عينة بشرية من سنة ٢٠٠٥ لحد ٢٠١٧م، الدراسة دي بالاضافة لدراسات سابقة لدكاترة تانيين خرجوا بأيه بقا؟ - ان المصريين القدماء وبناءا على دراسات لاكتر من ٩٠ من المومياوات والاف المصريين

المعاصرين، عرق منفصل بذاته قايم على طفرة جينية اللي هيا طفرة الرعامسة واول ما حصلت في مصر كانت من ٢٤ الف سنة، لا افريقي ولا اسيوي ولا اوروبي. - ان المصريين الحاليين ايا كان دينهم او قريتهم او مدينتهم هما احفاد مباشرين للمصريين القدماء بنسبة ٧٠٪ ل٩٠٪. - الجين المصري القديم

والحديث تحت مجموعة اسمها هابلوجروب "e1b1b1a" دا الاساسي الافريقي الاسيوي، بس خرجوا منها بفرع لوحده خاص بمصر بس اسمه "E-V68" - مصر الوسطى "القاهرة والدلتا" الجين بتاعها اسمه E-M78 وخرج منه فرع اسمه V-22، اما مصر العليا "الصعيد" فالجين بتاعها اسمه E-M78 بردو بس الفرع بتاعهم اسمه

ا V-12، والاتنين الفروع مجموعة توائم وشبة بعض في كل حاجة ماعدا فروق بسيطة اوي اوي. - المسلمين المصريين مصريين بردو مش عرب دخلاء او احفاد للعرب، بيمتلكوا نفس المجموعة الجينية "الهابلوجروب" زي المسيحيين مع ان نسبة المسيحيين اكبر ب١٠٪ بس هما نفس المصريين تحولوا للاسلام.

- التحليل الجيني المصري النهاردة بيقول ايه عن المصريين؟ بيقول ان المصريين بيحملوا ٦٨٪ من جينات مصر الشمال افريقية، الجين الغالب يعني، لكن فيه كمان جينات دخيلة بنسب بسيطة، يعني مثلا الجين العربي ١٧٪ بس وده مدخلش مع الغزو العربي لا انما معظمه دخل في الجين المصري مع الهجرات

الاولية من الاف السنين والباقي مع دخول العرب مصر. - خد بقا المفيد، الجين التركي ٣٪ بس، جنوب اوروبا ٣٪ بس، شرق افريقيا ٣٪ بس، واولاد العم ٤٪ .. - النسب البسيطة دي عشان لا الاتراك ولا الاحتلالات الاجنبية كانوا بيتزاوجوا مع المصريين الا فيما ندر، يا اما كانوا منغلقين كطبقة في قلب

بعضهم البعض، يا اما كانوا بيبصوا بصة دونية للشعب، والسبب التالت ان مفيش في التاريخ مذبحة حصلت على ايد اي محتل سواء روماني او مقدوني او عثماني او مملوكي عمل ابادة عرقية وحط مستوطنين مكانهم. - نسبة ال٤٪ بتوع العبرانيين، اغلبهم دخلوا مع السبي البابلي وهجراتهم من الاندلس كمان

وتزاوجهم وانصهارهم مع المصريين. - نسبة ٣٪ بتاعت شرق افريقيا بقا وجماعة الافروسنتريك دخلت ازاي؟ عن طريق اسواق النخاسة في العصور الوسطى وتجارة العبيد وملكات اليمين وخلافه خصوصا في فترة المماليك، نسب مغيرتش من العوامل الوراثية المصرية ابدا. - بعيدا عن العلم، فوصف واشكال المصريين

واحدة، من رسومات المعابد والتماثيل، وصولا للمؤرخين اللي وصفوا المصريين في كتبهم زي مانيتون وهيرودوت ومؤرخين الرومان ومؤرخين العرب، نفس الشعب مبيتغيرش لا شكله ولا تفاصيله ولا لونه. - اغلب اللي بيقولك ستي كانت تركية، يا هو بيحور، يا ستو بتحور، يا من ورثة عمر مستحفظان وفاطمة خاتون

وعلي جوربجي ودول سابوا املاكهم لخدمهم وحاشيتهم فا اتحسبوا كأنهم اتراك، يا اما نسبة ضئيلة جدا اللي بينحدروا من تركيا. - اغلب اللي بيقولك جيش لويس وبنات المنصورة، فيه دراسات اثبتت ان المصريين القدماء كان فيه منهم اللي شعره اصفر وعنيه زرقا، ورمسيس التاني نفسه كان شعره احمر، ومصر

وايرلندا بس اللي عندهم اكبر نسبة شعور حمرا في التاريخ، تخيل؟ - اغلب اللي بيقولك انا عربي، فاالعرب على كل تاريخهم ووجودهم في مصر، وتزاوجهم وتناسلهم، النسبة الجينية لا تتعدى ال١٧٪، دولة زي ايران مع انها مش عربية اصلا، فالجين العربي عندها نسبته ٥٦٪، يعني المصريين اسلموا، متغيروش.

- مصري مسلم مسيحي ابيض اسمر اشقر اصفر بني قمحي اسمه مصري وجيناته مصرية ١٠٠٪ . ودى الدراسات عشان متقولش اني بحور عليك، إحنا مصريين وبس - منقول. من صفحة Mohamed Amir .